Helsinki Ottava müqaviləsindən çıxır
Finlandiya müdafiə xərclərini xeyli artıracağını bəyan edib. AYNA.AZ xarici mediaya istinadən bildirir ki, 2029-cu ilə qədər bu ölkənin müdafiə xərcləri ÜDM-in ən azı 3 faizini təşkil edəcək ki, bu da təxminən üç milyard avroya bərabərdir. Baş nazir Petteri Orponun sözlərinə görə, qərar ani təhlükə səbəbindən deyil, ölkənin uzunmüddətli təhlükəsizliyini təmin etmək məqsədilə verilib.
Finlandiya hökuməti hərbi xərcləri artırmaqla yanaşı, piyada əleyhinə minalardan istifadəni qadağan edən Ottava müqaviləsindən çıxmaq niyyətini də açıqlayıb. Bu qərar geosiyasi vəziyyətin pisləşməsi fonunda ölkənin müdafiə qabiliyyətinin gücləndirilməsi zərurəti ilə bağlıdır.
Finlandiya bu addımı ilə həmin müqavilənin tərəfi olmayan ABŞ, Rusiya və Çin kimi ölkələrə qoşulur. Hökumət vurğulayır ki, bu addımlar həm milli səviyyədə, həm də NATO çərçivəsində ölkənin müdafiə potensialını gücləndirmək üçün atılır.