Ölənlərin cəsədlərinin axtarışı davam edir
Martın sonunda Ekvadorun mərkəzindəki Alausi şəhərində baş vermiş torpaq sürüşməsi nəticəsində azı 50 nəfər həlak olub.
AYNA-nın məlumatına görə, bu barədə TeleSUR telekanalı ölkənin Baş Prokurorluğuna istinadən məlumat yayıb.
Daha 38 nəfərin itkin düşdüyü bildirilir. Hazırda ən azı 57 ev dağıntılar altındadır. Ölənlərin cəsədlərinin axtarışı davam edir.
Martın 27-nə keçən gecə uçqun yaşayış binalarına düşüb. Ümumilikdə təbii fəlakət zonasında 500-dən çox insan olub. Qırmızı Xaç 163 evin dağıldığını və ya zədələndiyini təxmin edir.