DTX əməkdaşları xüsusi əməliyyat keçiriblər
Dövlət Təhlükəsizliyi Xidmətinin (DTX) xüsusi təyinatlıları bu gün Neftçala Rayon İcra Hakimiyyətinin (RİH) binasında əməliyyat keçirib. AYNA xəbər verir ki, bu barədə unikal.org-a etibarlı mənbədən məlumat verilib.
Həmin məlumata görə, Neftçala RİH-in başçısı İsmayıl Vəliyev rüşvət alarkən DTX əməkdaşları tərəfindən həbs edilib.
Qeyd edək ki, İsmayıl Vəliyev Azərbaycan Respublikasının ilk Baş Prokuroru İsmət Qayıbovun bacısı oğludur.
Xatırladaq ki, bundan əvvəl - 2019-cu il dekabrın 19-da Ağstafa RİH-in başçısı Nizaməddin Quliyev DTX-nın keçirdiyi xüsusi əməliyyat nəticəsində saxlanılıb, barəsində məhkəmə qərarı ilə həbs-qətimkan tədbiri seçilib. O da rüşvətdə ittiham olunur.