Nasazlıq təyyarə havaya qalxdıqdan 30 dəqiqə sonra ortaya çıxıb
Tehran-Quançjou marşrutu üzrə uçan "MahanAir" aviaşirkətinə məxsus yük təyyarəsində texniki nasazlıq yaranıb.
AYNA-nın APA-ya istinadən məlumatına görə, 0093 saylı Tehran-Quançjou reysi ilə uçan təyyarə geri qayıdaraq Tehranın İmam Xomeyni aeroportuna təhlükəsiz eniş edib.
Texniki nasazlıq təyyarə havaya qalxdıqdan 30 dəqiqə sonra, ölkənin hava məkanını tərk etmədən ortaya çıxıb və komandir geri qayıtmaq haqqqında qərar qəbul edib.