Silahlılar əkinçiliklə məşğul olan mülki insanları hədəfə alıblar
Burkina-Fasonun silahlıların kəndi atəşə tutması nəticəsində 33 nəfər həlak olub.
AYNA-nın AFP-yə istinadən verdiyi məlumata görə, bu barədə şənbə günü regionun qubernatoru bildirib.
Babo qubernatoru Pyer Basinq fermerlərə hücumun 17:00 radələrində baş verdiyini söyləyib: “Muhun əyalətinin Çeriba departamentinin Yulou kəndi alçaqca və vəhşicəsinə hücuma məruz qalıb. Silahlılar çay boyu əkinçiliklə məşğul olan mülki insanları hədəfə alıblar”.
Yerli mənbələrin AFP-yə verdiyi məlumata görə, motosikletli hücumçular heç kimə fərq qoymadan atəş açıblar.