Blinken: "Ukraynanın suverenliyi Avropada sülh və təhlükəsizlik üçün həyati əhəmiyyət kəsb edir"
ABŞ dövlət katibi Entoni Blinken və Ukraynanın xarici işlər naziri Dmitri Kuleba cümə günü telefon danışığı zamanı Ukraynanın əks hücuma hazırlığını müzakirə ediblər.
AYNA-nın məlumatına görə, bu barədə Dövlət Departamentinin mətbuat xidmətinin rəhbəri Metyu Miller danışıqlardan sonra bildirib.
“Blinken və Kuleba Ukraynanın əks-hücum əməliyyatına davam edən hazırlığı, o cümlədən beynəlxalq tərəfdaşların töhfəsinin onun uğuruna necə töhfə verə biləcəyini müzakirə etdilər. Katib Blinken qeyd edib ki, Ukraynanın suverenliyi Avropada sülh və təhlükəsizlik üçün həyati əhəmiyyət kəsb edir və ABŞ-ın Rusiyanı məsuliyyətə cəlb etmək öhdəliyini bir daha təsdiqləyib, prezident Baydenin Ukraynanı lazım olan müddət ərzində dəstəkləmək vədini vurğulayıb”, - diplomat bildirib.