Kuryerlər daşıma və çatdırılma xidmətinin ucuz olmasından narazıdırlar
Bakıda "Bolt" kuryerləri etiraza başlayıblar. AYNA xəbər verir ki, etirazçılar daşıma və çatdırılma xidmətinin ucuz olmasından narazıdırlar.
Sosial şəbəkələrdə yayılan məlumatlara görə, şirkətin kuryerləri ötən gündən qərar verərək, bu gün səhər saatlarında "Bolt" proqramını deaktiv edəcəklərini və fəaliyyət göstərməyəcəklərini bildiriblər.
Sosial şəbəkədə onların bir neçə gün əvvəl eyni səbəblə etiraz edən "Wolt" şirkətinin kuryerləri ilə birlikdə yürüş etdikləri barədə görüntülər yayılıb.