Martın 6-da Aİ dövlət başçıları xüsusi nümayəndənin namizədliyini müzakirə edəcəklər
Avropa İttifaqı (Aİ) hakimiyyət orqanları Ukraynada sülh danışıqları üçün xüsusi nümayəndə təyin etməyi planlaşdırır. AYNA.AZ xəbər verir ki, bu barədə “Bloomberg” yüksək səviyyəli Avropa mənbələrinə istinadən məlumat yayıb.
Nəşrin mənbələrinin məlumatına görə, İttifaqa üzv ölkələr martın 6-da dövlət başçılarının sammitini keçirəcək və orada gələcək xüsusi nümayəndənin namizədliyini müzakirə edəcəklər.
Bundan əlavə, Avropa ölkələri müdafiə və kollektiv təhlükəsizlik məsələlərini müzakirə etmək niyyətindədirlər.
Bundan əvvəl Britaniyanın “The Daily Telegraph” qəzeti Aİ-ni ABŞ-Ukrayna sövdələşməsində uduzan tərəf adlandırmışdı.