Alimlər 98 milyon il əvvəl yaşadığı ehtimal edilən dinozavr fosilləri aşkar ediblər
Argentinanın Neuquen əyalətində elm adamları tərəfindən 98 milyon il əvvəl yaşadığı ehtimal edilən dinozavr fosillərinə rast gəlinib. AYNA xəbər verir ki, fosillər geoloqların “Candeleros Formation” adlandırdıqları qayalıqlarda aşkar edilib.
Araşdırmaçılar sözügedən fosillərin dünyada yaşamış ən böyük heyvana məxsus olduğunu bildirib və fosillərin hətta titonazavr olduğunu ehtimal etdikərini qeyd ediblər.
Bununla birlikdə, elm adamları “MOZ-Pv 1221” adlanan fosil nümunələrinin nəhəng sauropod dinozavrların milyonlarla il əvvəl necə inkişaf etdiyini və yaşadıqlarını daha yaxşı anlamalarına kömək edəcəklərini söyləyiblər.