Hazırda yığıncaqda iştirak edəcək şəxslərin sayı dəqiqləşdirilir
Fevralın 19-da Azərbaycan Milli Elmlər Akademiyasının (AMEA) Ümumi yığıncağı keçiriləcək.
AYNA xəbər verir ki, bu barədə AMEA Rəyasət Heyətinin Mətbuat xidmətinin rəhbəri Azadə Balayeva məlumat verib.
O bildirib ki, ümumi yığıncaqda Akademiyaya yeni prezident seçiləcəyi ilə bağlı qəti qərar yoxdur. Hazırda yığıncaqda iştirak edəcək şəxslərin sayı dəqiqləşdirilir. İclasın keçirilməsi də bu saydan aslı olacaq. Bundan sonra iclasın gündəliyi məlum olacaq.
Qeyd edək ki, fevralın 14-də AMEA Rəyasət Heyətinin iclası keçirilib. AMEA prezidenti Ramiz Mehdiyev istefa etdiyini bildirib.