Yanğın zamanı yataqxanada 72 nəfər olub
Almatıda hosteldə baş verən yanğında 13 nəfər həlak olub. AYNA xəbər verir ki, bu barədə şəhər Fövqəladə Hallar Departamenti məlumat verib.
Məlumata görə, yanğının ümumi sahəsi ilkin olaraq 30 kv.m-dir.
“Görülən tədbirlərlə yanğın saat 06:22-də (Bakı vaxtı ilə 04:22) söndürülüb. Kəşfiyyat və yanğının söndürülməsi zamanı 13 nəfərin meyiti aşkar edilib, kimliyi müəyyənləşdirilir. Onlar əvvəllər dəm qazından zəhərlənərək ölüblər. Yataqxanada 72 nəfər olub, 59 nəfər özünü təxliyə edib. Yanğın yerinə Almatı Fövqəladə Hallar Departamentinin 46 nəfər və 13 texnikası cəlb olunub”, - məlumatda qeyd olunub.