“Rusiya ərazisində 30 min ilə 50 min arasında Şimali Koreyalı yerləşdirmək qərarı verilib"
“Şimali Koreya Rusiya ərazisində Şimali Koreya qoşunlarının kontingentini yerləşdirməyi planlaşdırır. Rusiya ərazisində 30 min ilə 50 min arasında Şimali Koreyalı yerləşdirmək qərarı verilib". AYNA.AZ xarici mediaya istinadən bildirir ki, bu sözləri Ukrayna Prezidenti Volodimir Zelenski deyib.
O bildirib ki, Şimali Koreyanın münaqişədə iştirakı Pxenyana müasir müharibədə təcrübə qazanmağa imkan verir və bu təcrübə sonradan Asiya-Sakit Okean regionunda istifadə edilə bilər.
Ukrayna Prezidenti Ukraynanın hava hücumundan müdafiə sahəsində Cənubi Koreyanın dəstəyinə ehtiyacı olduğunu bildirib və Seulu Kiyevlə daha sıx əməkdaşlıq etməyə çağırıb.
Cənubi Koreya 2023-cü ildə Ukraynanın yay əks-hücum əməliyyatının əsas sponsoru olub və 300.000-dən çox mərmi tədarük edib.