Oyunlar 23-29 iyun tarixlərində baş tutacaq
UEFA Region Kubokunun 2022/2023-cü illər mövsümünün ilkin mərhələsinin oyunları 23-29 iyun tarixlərində Azərbaycanda keçiriləcək.
Azərbaycan Futbol Federasiyaları Assosiasiyasından AYNA-ya verilən məlumata görə, ölkəmizi bu turnirdə təmsil edəcək Region Liqasının 2021/2022-ci illər mövsümünün qalibi ilkin mərəhələnin 2-ci qrupunda Belarus komandası ilə qarşılaşacaq. İlkin mərhələnin 1-ci qrupunda isə Gürcüstan, Qazaxıstan və Estoniya təmsilçiləri mübarizə aparacaq. Qrup qalibləri finalda növbəti mərhələyə vəsiqə qazanmaq uğrunda mübarizə aparacaq və qalib komanda əsas mərhələdə Türkiyə, Portuqaliya, Finlandiya komandasına rəqib olacaq.
Qeyd edək ki, UEFA Region Kubokunun 2020/21-ci illər mövsümü COVID-19 pandemiyası səbəbindən təxirə salınmışdı.