Türkiyə bölgədə kəşfiyyat, nəzarət və humanitar dəstək fəaliyyətini davam etdirəcək
Türkiyə hərbçiləri PKK terror təşkilatının 12 yaraqlısını məhv edib. AYNA xəbər verir ki, bu barədə Türkiyənin Müdafiə Nazirliyi açıqlama yayıb.
Nazirliyin açıqlamasında bildirilib ki, bu gün gecə Türkiyə Silahlı Qüvvələrinin “Barış bulağı” ərazisindəki Tel-Abyad məntəqəsinə 15-ə yaxın PKK terrorçuları hücum edib. Bölgədə təhlükəsizliyi pozmağa cəhd edən terrorçulardan 12-si məhv edilib.
Nazirliyin açıqlamasında qeyd edilib ki, Türkiyə Silahlı Qüvvələri bölgədə sabitliyin, təhlükəsizliyin və sülhün qorunması üçün, kəşfiyyat, nəzarət və humanitar dəstək fəaliyyətini davam etdirəcək.