Bu, son 25 ildə iki ölkənin liderləri arasında ilk görüşdür
ABŞ Prezidenti Donald Tramp Səudiyyə Ərəbistanına səfəri çərçivəsində Suriyanın keçid dövrü Prezidenti Əhməd Əş-Şəraa ilə görüşüb. AYNA.AZ xarici mediaya istinadən bildirir ki, bu, son 25 ildə iki ölkənin liderləri arasında ilk görüşdür.
Ər-Riyadda keçirilən ABŞ–Körfəz ölkələri sammiti Trampın ikinci prezidentlik müddəti çərçivəsində Səudiyyə Ərəbistanına ilk rəsmi səfəri zamanı baş tutub. 2022-ci ildə Ər-Riyadda keçirilən sonuncu belə sammitdə körfəz regionunun altı ölkəsinin liderləri ilə yanaşı, Misir, İordaniya və İraq rəhbərləri də iştirak ediblər.