Əraziyə xüsusi texnika və canlı qüvvə səfərbər olunub
Quba rayonunda intensiv yağıntılar nəticəsində yaranmış güclü sel sularının qəzalı vəziyyətə saldığı körpünün bərpasına başlanılıb.
AYNA.AZ APA-ya istinadən xəbər verir ki, körpüyə mütəxəssislər tərəfindən baxış keçirilib, əraziyə xüsusi texnika və canlı qüvvə səfərbər olunub.
Qeyd edək ki, Quba-Qonaqkənd-Muçu avtomobil yolunun 7-ci kilometrində Qaraçay çayı üzərində 101 metr uzunluğa malik və 4 aşırımdan ibarət körpünün dayaqları sel suları nəticəsində yuyulmuşdu.
Sürücülər müvəqqəti olaraq alternativ yol kimi Quba-Pirvahid-İkinci Nügədi avtomobil yolundan istifadə edirlər.
