5 saat ərzində 5000 nəfər peyvənd üçün qeydiyyatdan keçib
Rusiyada koronavirusa qarşı hazırlanmış “Sputnik V” peyvəndi paytaxt Moskvada tətbiq olunmağa başlanılıb. AYNA Rusiya mətbuatına istinadən xəbər verir ki, Rusiya Prezidenti Vladimir Putinin ölkəsi tərəfindən hazırlanan “Sputnik V” koronavirus peyvəndinin xalqa tətbiqi ilə bağlı verdiyi göstərişdən sonra peyvənd tətbiqi bu gün paytaxt Moskvada start götürüb.
Peyvənd alanların Moskvada xüsusi klinikada qeydiyyatdan keçməsi, 18-60 yaşları arasında olması, xroniki bir xəstəliyi olmaması və son 30 gündə heç bir şəkildə peyvənd edilməməsinin lazım olduğu vurğulanıb. Nəticədə, 5 saat ərzində 5000 nəfər peyvənd üçün qeydiyyatdan keçib.
Qeyd edək ki, Rusiyada bu günə qədər 2 milyon doz peyvənd istehsal edilib.