Hərbi helikopter sərt eniş edərkən qəza baş verib və 4 nəfər ölüb
Rusiyanın şərqindəki Çuxot bölgəsində "Mİ-8” hərbi helikopteri sərt eniş edərkən qəza baş verib və 4 nəfər ölüb.
AYNA Rusiya KİV-ə istinadən bildirir ki, bu haqda Müdafiə Nazirliyi məlumat yayıb. Məlumatda qeyd olunub ki, hərbi helikopter Çuxot bölgəsində təlim uçuşu həyata keçirirmiş.
Rusiya mediasına danışan Çuxot səlahiyyətlisi qeyd edib ki, helikopterdəki 4 nəfər hərbiçi ölüb, təyyarə düşdükdən sonra alovlanmağa başlayıb. Qəzaya texniki nasazlığın səbəb olduğu təxmin edilir.
Xatırladaq ki, keçən həftə paytaxt Moskva ətrafında da "Mİ-8” hərbi helikopteri sərt eniş sonrasında qəza edib, 3 nəfər ölmüşdü.