Rusiya Ordusunun 4 minə yaxın şəxsi heyəti və hərbi texnikası cəmləşib
Rusiya əsgərlərini Ukrayna ilə sərhədə yığır. AYNA-nın xəbərinə görə, bu barədə “New York Times” bir ABŞ rəsmisinə istinadən məqalə dərc edib. Bildirilir ki, söhbət 4 minə yaxın Rusiya Ordusunun şəxsi heyətindən və hərbi texnikadan gedir.
Qəzetin yazdığına görə, Ukrayna sərhədinə Rusiya qoşunlarının yığılması Avropadakı və ABŞ-dakı yüksək səviyyəli ABŞ rəsmilərinin diqqətini çəkib. Məsələn, keçən həftə ABŞ-ın Avropa Komandanlığı açıqlayıb ki, müşahidələrə əsasən vəziyyət mümkün böhrandan potensial yaxınlaşan böhran səviyyəsinə yüksəlib.
Bundan əvvəl Ukrayna Silahlı Qüvvələrinin Baş Komandanı (AFU) Ruslan Xomçak Ali Radanın növbədənkənar iclasında Rusiya qoşunlarının ölkə sərhədlərinə yeridildiyini bildirmişdi. Onun sözlərinə görə, Bryansk, Rostov və Voronej bölgələrinə əlavə hərbi qüvvələr yerləşdirilib.