İnsident nəticəsində 2 nəfər ölüb, 7 nəfər yaralanıb
Sudanın Port Sudan şəhərində qəbilələr arası qarşıdurma baş verib. AYNA ərəb mətbuatına istinadən xəbər verir ki, insident nəticəsində 2 nəfər ölüb, 7 nəfər isə yaralanıb.
Əl-Bunni və Əl-Amerar qəbilələri arasındakı toqquşmalardan sonra yerli hökumət komendant saatı elan edib.
Qeyd edək ki, Əl-Amerar qəbiləsi bundan əvvəl də Sudanda bir sıra iğtişaşlara səbəb olub. Belə ki, cari ilin iyun ayında Nuba qəbiləsi ilə baş verən qarşıdurma nəticəsində 70-dən çox insan dünyasını dəyişmişdi.