Türkiyə hərbçilərinin antiterror əməliyyatları davam etdirilir
Türkiyə hərbi qüvvələri antiterror əməliyyatlarını davam etdirir. AYNA qardaş ölkə mətbuatına istinadən bildirir ki, Tunceli vilayətinin Ovacık bölgəsində mayın 31-dən davam etdirdiyi antiterror əməliyyatları nəticəsində zərərsizləşdirilən terrorçuların sayı 6-ya çatıb.
Hava qüvvələrinin dəstəyi ilə keçirilən əməliyyatda məhv edilən terrorçular silahlı olublar. Türkiyənin Müdafiə Nazirliyinin məlumatına görə, İraqın şimalındakı Avaşin bölgəsində 4 PKK terrorçusu məhv edilib.
Suriyanın Tel Abyad bölgəsində isə bomba yüklü motosikletlə mülki insanları hədəfə almağı planlaşdıran PKK/YPG terror təşkilatının üzvü yaralı olaraq Türkiyə hərbçiləri tərəfindən yaxalanıb. Terrorçulara qarşı əməliyyatlar davam etdirilir.