Pişiyi kök olduğu üçün təyyarəyə buraxılmadı

Dünya

08.11.2019 - 05:38

Mixailin pişiyi Viktor 10 kiloqram çəkidə olub

 

Riqadan Moskva üzərindən keçməklə Vladivostoka uçmaq istəyən Mixail Qalin adlı sərnişin Şeremetyevo hava limanında problemlə üzləşib.

 

AYNA “Qafqazinfo”ya istinadən xəbər verir ki, bu barədə sərnişin “Facebook” səhifəsində yazıb. Onun sözlərinə görə, təyyarəyə minməyə pişiyinin ağır çəkisi üzündən icazə verilməyib. Belə ki, Mixailin pişiyi Viktor 10 kiloqram çəkidə olub. Aviaşirkətin qanunlarına görə isə, laynerə 8 kiloqramdan ağır heyvanla minmək qadağandır.

 

Qalin növbəti günə bilet alaraq çəkisi qaydalara uyğun gələn Fibi adlı pişiklə sənədləri rəsmiləşdirdikdən sonra öz heyvanı ilə uça bilib.

 

Müəllif: Ayna.az