20-dən çox qadın Depardyeyə qarşı ittihamlarla çıxış edib
Paris məhkəməsi mayın 13-də 2021-ci ildə film çəkilişi meydançasında iki qadına cinsi təcavüzdə ittiham olunan aktyor Jerar Depardyeyə qarşı hökmünü elan edəcək. AYNA.AZ xəbər verir ki, bu barədə NPR məlumat yayıb.
Qeyd olunub ki, məhkəmə filmin çəkiliş qrupunun üzvləri olan 54 və 34 yaşlı iki qadın - dekorator və rejissor köməkçisinin şikayətinə baxacaq.
Hökmdən bir gün əvvəl iki iddiaçıdan birini təmsil edən vəkil Karine Durrieu-Diebolt NPR-ə deyib: "Əgər günahkar cəzalandırılacaqsa, bu, təkcə məhkəmədəki qadınların deyil, zamanla susdurulmuş hər kəsin qələbəsi olacaq".
Vəkil vurğulayıb ki, 20-dən çox qadın Depardyeyə qarşı ittihamlarla çıxış edib.
Fransa Prokurorluğu Depardye üçün 18 aylıq şərti həbs cəzası, həmçinin 20 min avro (təxminən 1,8 milyon rubl) cərimə istəyib. Bundan başqa, prokuror sənətçinin məcburi psixoloji müalicə almasını və cinsi xarakterli cinayətlər törətmiş şəxslərin reyestrinə salınmasını istəyib.