IV qrup üzrə sənəd verən abituriyentlərin 74.96 faizini qızlar təşkil edib
Ötən il imtahanlarda oğlanların ən yüksək nisbi sayı I ixtisas qrupunda (65.43 faiz), qızların ən yüksək nisbi sayı isə III ixtisas qrupunda (75.06 faiz) olub.
AYNA xəbər verir ki, bu məlumat Dövlət İmtahan Mərkəzinin (DİM) 2022-ci il üzrə imtahan nəticələrinin elmi-statistik təhlilində öz əksini tapıb.
Ötən il I qrup üzrə sənəd verən abituriyentlərin 65.43 faizini oğlanlar, 34.57 faizini isə qızlar təşkil edib. II qrup üzrə sənəd verən abituriyentlərin 62.59 faizi oğlanlardan, 37.41 faizi qızlardan ibarət olub. III qrup üzrə sənəd verən abituriyentlərin 24.94 faizi oğlanlar, 75.06 faizi qızlar olub. IV qrup üzrə sənəd verən abituriyentlərin 25.04 faizini oğlanlar, 74.96 faizini qızlar təşkil edib.