2 prokurorluq işçisi orqandan xaric edilib
Ötən il 30 prokurorluq işçisi intizam məsuliyyətinə cəlb edilib. Baş Prokurorluqdan AYNA-ya bildirilib ki, bu barədə Baş Prokurorluqda keçirilən Kollegiya iclasında bildirilib.
Qeyd olunub ki, hesabat dövründə öz fəaliyyətini müasir tələblər səviyyəsində qura bilməyən, prokurorluq işçisinə yaraşmayan hərəkətlərə, xidməti intizamın kobud pozuntusuna yol verən və vəzifələrini layiqincə yerinə yetirə bilməyən 30 prokurorluq işçisi intizam məsuliyyətinə cəlb edilib. Onlardan 2-i prokurorluq orqanlarından xaric edilib, 8 nəfər vəzifədən azad edilib, 15 nəfərə töhmət və ya şiddətli töhmət, 5 nəfərə isə digər intizam tənbehi tədbirləri tətbiq edilib.