Əsas səhifə Haqqımızda Xəbər lenti

Düşmənin Tərtərə atdığı mərmi evi dağıtdı - FOTO

Düşmənin Tərtərə atdığı mərmi evi dağıtdı -     FOTO

Ermənistan humanitar atəşkəs rejimini pozaraq Tərtər şəhərini toplardan atəşə tutub

 

Ermənistan silahlı qüvvələrinin bölmələri Tərtər rayonunu atəşə tutmaqda davam edir. AYNA-nın məlumatına görə, bu barədə “Report”un cəbhə bölgəsinə ezam olunmuş əməkdaşı xəbər verib.

 

Oktyabrın 25-də düşmən rayonun Düyərli kəndi ərazisini ağır artilleriya atəşinə tutub. Top mərmilərindən biri kənd sakini Elməddin Abbasovun evinə düşüb. Nəticədə evə külli miqdarda ziyan dəyib. Xoşbəxtlikdən ölən və yaralanan olmayıb.

 

Bu gün saat 15:30-da növbəti dəfə Ermənistan silahlı qüvvələri yeni humanitar atəşkəs rejimini pozaraq Tərtər şəhərini toplardan atəşə tutub.

 

Qeyd edək ki, Ermənistan silahlı qüvvələri yeni humanitar atəşkəs rejimini kobud şəkildə pozaraq oktyabrın 26-da Tərtər şəhərini və rayonun kəndlərini artilleriya atəşinə tutub. Səhər saatlarından başlayaraq düşmən rayonun Qazyan kəndinə top mərmiləri ataraq dinc sakinləri hədəfə alıb.

 

Nəticədə kənd sakinləri - Yasin Cəfərov və Fənər Balakişyevanın evlərinə mərmilər düşüb və külli miqdarda ziyan dəyib.

Müəllif: Ayna.az      26 Oktyabr 2020 17:38
Aktual bölməsinə aid digər xəbərlər
Ən çox oxunanlar

Ən son xəbərləri səhifəmizdən də izləyin