Azərbaycan neftinin qiyməti 75 dolları ötüb
Dünya bazarlarında neftin qiyməti 73 dolları ötüb. AYNA.AZ xəbər verir ki, ICE London qitələrarası birjasında keçirilən ticarət əməliyyatlarının gedişində “Brent” neftinin ixracına dair 2025-ci ilin may müqaviləsinin dəyəri 0,14% və ya 0,10 dollar artaraq 1 barelə görə 73,10 ABŞ dolları təşkil edib.
Nyu-Yorkun NYMEX əmtəə birjasında bu ilin may ayında ixrac etməklə WTI markalı neftin 1 barelinin qiyməti də 0,10% və ya 0,07 dollar artaraq 1 barelə görə 69.18 ABŞ dollarına yüksəlib.
Dünya bazarlarında "Azeri Light" (CIF) markalı Azərbaycan nefti də 1 dollardan çox bahalaşıb. Azərbaycan neftinin 1 barelə olan qiyməti 1,19 ABŞ dolları və ya 1,6 % artaraq 75,23 ABŞ dollarına çatıb.
Qeyd edək ki, Azərbaycan neftinin əvvəlki qiyməti 74,04 ABŞ dolları təşkil edib.