Oğlu polisə anasının suya atladığını və geri qayıtmadığını bildirib
Amerikalı aktrisa və müğənni Nora Rivera qayıq gəzintisi zamanı yoxa çıxıb. AYNA xarici mediaya istinadən bildirir ki, 2011-ci ildə ən seksual qadın adını almış Rivera dörd yaşlı oğlunu sahildə qoyub, suya girib və itib.
33 yaşlı Riveranın oğlu Josie Hollis Dorsey hüquq-mühafizə orqanları əməkdaşları tərəfindən Kaliforniya ştatının Ventura əyalətindəki Piru gölünün kənarındakı qayıqda yatmış halda tapılıb. Uşaq polisə anasının suya atladığını və geri qayıtmadığını bildirib. Polis axtarış aparsa da, sənətçini tapmaq mümkün olmayıb. Aktrisanın oğlu qohumlarına təhvil verilib.
Riveranın qoruyucu jileti gəmidə tapılıb. Gölün kənarındakı dayanacaqda aktrisanın içərisində şəxsi əşyaları olan avtomobili aşkarlanıb.
Qeyd olunur ki, dünən aktrisa “Twitter”-də oğlunu qucaqlayan yerdə şəkil paylaşaraq, fotoya "Yalnız ikimiz" başlığı yazıb.