Aksiyaçılar komendant saatı ilə əlaqədar elan edilən “qapalı zona”nı tərk edərək şəhər ətrafında hərəkətlərini davam etdiriblər
Los-Ancelesin bir sıra bölgələrinə komendant saatı olsa da, ABŞ hakimiyyətinin immiqrasiya siyasətinə qarşı çıxan etirazçılar şəhərin küçələrində yürüş edirlər. AYNA.AZ xarici mediaya istinadən bildirir ki, yerli vaxtla saat 20.00-a olan məlumata görə, etirazçılar aksiyalarını davam etdirirlər.
Yürüş vandalizmlə müşayiət olunur: bəzi etirazçılar binaların üzərinə qraffiti çəkiblər. Əvvəllər qumbaraatanlardan istifadə edən polis etirazlara müdaxilə etməyib. Etirazçılar hər kəsə su, maska, əlcək, qəlyanaltı və salfet olan fərdi dəstlər paylayıblar.
Aksiyaçılar komendant saatı ilə əlaqədar hakimiyyətin elan etdiyi “qapalı zona”nı tərk edərək şəhər ətrafında hərəkətlərini davam etdiriblər.
Bildirilib ki, Los-Ancelesdə ABŞ hakimiyyətinin immiqrasiya siyasətinə qarşı etirazçılar komendant saatından iki saat əvvəl şəhərdə yürüş keçiriblər.