Qəzaya uğrayan helikopterdə sağ qalan olmayıb
İtaliyanın Toskana və Emiliya-Romanya bölgələri arasında qəzaya uğrayan helikopterdə sağ qalan olmayıb.
AYNA xarici mediaya istinadən bildirir ki, Apennin dağlarında helikopterin qalıqları və yeddi nəfərin cəsədi tapılıb.
Xatırladaq ki, iyunun 9-da İtaliyanın Luka şəhərindən Trevisoya getmək üçün havaya qalxan, göyərtəsində bir italyan pilot, dörd türk və iki livanlı olmaqla ümumilikdə yeddi nəfər olan helikopter bir müddət sonra radarlardan itmişdi. İtaliya təhlükəsizlik qüvvələri, mülki müdafiə qrupları və könüllülər üç gündür axtarış və xilasetmə işləri aparırdılar.