İshaq Hersoq “Twitter” hesabında paylaşım edib
İsrail Prezidenti ishaq Hersoq İsveç dövlətini Tövratın yandırılmasına icazə verdiyinə görə qınadı. AYNA xəbər verir ki, bu barədə Prezident “Twitter” hesabında yazıb.
“İsrailin Prezidenti kimi mən bütün dünya müsəlmanları üçün müqəddəs olan Quranın yandırılmasını pislədim və indi yəhudi xalqının əbədi kitabı olan Yəhudi İncilini də eyni aqibətin gözlədiyinə görə təəssüflənirəm”, - Hersoq qeyd edib.
Bundan əvvəl İsrail Xarici İşlər Nazirliyinin sözçüsü Lior Hayat İsrailin şənbə günü İsrailin İsveçdəki səfirliyi qarşısında Tövratı yandırmaq niyyətini qətiyyətlə pislədiyini bildirib və Stokholmu nifrət aktının qarşısını almağa çağırıb.
“Müqəddəs kitabların yandırılması nifrət və dözümsüzlük aktıdır və ifadə azadlığı ilə heç bir əlaqəsi yoxdur”, - diplomat vurğulayıb.
Qeyd edək ki, İsveç rəsmiləri Tövratı İsrail səfirliyi qarşısında şənbə günü yandırmağa hazırlaşan bir adamın tələbini təsdiqləyib.