İndi məsələ ilə ələ keçirilən diversantların ailə üzvləri məşğul olmalıdırlar
Çıxış girişin olduğu yerdədir. Qaranlıq bir otaqda qara pişik axtarmağın mənası yoxdur. Xüsusilə də əgər o pişik orada yoxdursa. Və təkcə ona görə yox ki, Konfutsi belə düşünürdü. Hər zaman bu və ya digər halda vaxt və enerji itkisinin nə qədər əsaslı və təsirli olacağını anlamaq lazımdır.
Bütün bunları ona görə deyirəm ki, ikinci gündür Ermənistan mediasının “Azərbaycanın tutduğu məhbuslar” adlandırdığı erməni təxribatçıların qohumları İrəvandakı hökumət binası yaxınlığında oturaq etiraz aksiyası keçirirlər. Xəbər verilir ki, aksiyanın ilk günü Paşinyan onların qarşısına çıxsa da, etirazçılar aksiyanı dayandırmayıblar. Hökumətdən əzizlərinin vətənlərinə dönməsi üçün lazımi tədbirlərin görülməsini tələb edirlər. Bundan əlavə, etirazçılar beynəlxalq təşkilatların onlara diqqət göstərməsini və məhkumları azad etmək üçün müxtəlif mexanizmlərdən istifadə etmələrini istəyirlər.
Qeyd edim ki, erməni diasporu bu istiqamətdə fəal iş aparır. Beləliklə, Hollandiyanın Erməni Təşkilatları Federasiyasının fəal iştirakı ilə “zanbaqlar ölkəsi” parlamenti növbəti təxribat və əsassız bir qərar qəbul etdi. Hollandiya parlamentariləri ölkələrinin hökumətinə, Bakıda keçiriləcək Hollandiya millisinin Avro-2020 turnirinin 1/4 final mərhələsinin futbol matçına qatılmamaq xahişi ilə müraciət etdilər.
Hollandiya millisinin 1/4 finala çıxmaq üçün hələ çexləri keçməsi lazım olduğu aydındır. Ancaq məsələ bu təfərrüatda deyil, Hollandiya parlamentinin dövlətimizə qarşı ittihamları arasında “hələ də Azərbaycanda” olan “200-dən çox erməni əsir” ilə bağlı bir ifadənin olmasıdır.
Aydındır ki, bu cür qətnamələrə Bakıda heç vaxt əhəmiyyət verməyiblər və gələcəkdə də əhəmiyyət verilməyəcək. Həm də ona görə ki, ölkəmizin tənqidçiləri çoxdan özlərini nəsə tələb etmək, bir şeyə işarə etmək hüququndan məhrum ediblər. Xocalı soyqırımına və torpaqlarımızın beşdə birinin işğalına cavab olaraq təxminən otuz illik sükutları ilə.
Bildiyiniz kimi, rəsmi Bakıya təzyiq etmək cəhdləri faydasızdır - bütün məsələlərlə bağlı. Üstəlik, bu məsələdə ümumiyyətlə hansısa təziq mümkün deyil. Axı erməni təxribatçılarının hərəkətləri nəticəsində Azərbaycan vətəndaşları öldürüldü. Üstəlik, hamısı keçən il 10 noyabr tarixli üçtərəfli bəyanatın imzalanmasından sonra tutulub. Buna görə də onlar “hərbi əsir” sayıla bilməzlər. Onlar diversantdırlar.
Hansılar ki, ancaq minalanmış ərazilərin xəritələri ilə dəyişdirilə bilər. Məlum olduğu kimi, belə bir əməliyyat artıq uğurla həyata keçirilib. Ermənistanın 15 vətəndaşı Ağdamdakı minalanmış ərazilərin xəritəsini almaq müqabilində evlərinə qayıtdı.
“Yalnız Ağdam bölgəsində 97 min mina yerləşdirilib. Ermənistandan yalnız Ağdam bölgəsi üçün mina xəritəsi ala bildik, digər bölgələrdə yüzminlərlə mina var. Ancaq bu xəritələri bizə verməkdən imtina edirlər. Müharibə bitəndən bəri 30-a yaxın vətəndaşımız minalardan ölüb, 100-dən çox insan yaralanıb”, - deyə Azərbaycan Prezidenti İlham Əliyev çərşənbə günü BMT-nin Sivilizasiyalar Alyansının Yüksək Nümayəndəsi Migel Angel Moratinos ilə görüşü zamanı bildirib.
Dövlətimizin başçısının sözlərini Ermənistanın Baş naziri vəzifəsini icra edən Nikol Paşinyan da təsdiqləyir. Respublikanın Kotayk bölgəsinə bir seçki səfəri zamanı, o, “Mina xəritələrinin əhəmiyyətli, lakin kiçik bir hissəsi təhvil verildi” dedi. Bu, rəsmi İrəvanın Azərbaycanı şantaj etdiyinin sübutu idi. Buna görə də həbs olunan və Azərbaycanda qalan erməni təxribatçıların qohumları və dostları məhz Paşinyana iddialarını bildirməlidirlər.
Ancaq təkcə Paşinyana deyil. Erməni işğalçıları tərəfindən qoyulmuş minanın partlaması nəticəsində Kəlbəcərdə azərbaycanlı jurnalistlərin ölümündən dərhal sonra erməni polkovniki Koryun Qumaşyan tərəfindən necə soyuqqanlı bir bəyanat verildiyini yaxşı xatırlayırıq. “Mənim kontingentim və mən Laçın və Kəlbəcər yaxınlığında 17 yük maşını mina basdırdıq. Minalar olduğuna görə bu ərazidə heç nə edə bilməyəcəklər. Hərbi əsirlərimizi bizə qaytarın, mən də mina xəritəsini sizə verəcəyəm”, - deyə o söylədi.
Artıq Azərbaycan Baş Prokurorluğu ona qarşı cinayət işi açıb. Ancaq indi məsələ ilə ordumuz tərəfindən tutulanların erməni ataları və anaları, bacıları və qardaşları məşğul olmalıdırlar. Rəsmi Bakı dəfələrlə diversantları Ermənistan tərəfinin istifadəsində olan minalanmış ərazilərin xəritələri ilə dəyişdirməyə hazır olduğunu bəyan edib. Ancaq məhz erməni tərəfi buna nəinki razı olmur, həm də açıq şəkildə bu xəritələrə sahib olduqlarını göstərir. Xəritələr olmadan isə tez-tez faciələr baş verir, azərbaycanlılar həlak olur. Onlar da kiminsə oğulları, qardaşları, ataları, dostlarıdır.
Deməli, ölkəmizdə olan övladlarını qaytarmaq istəyən Ermənistan vətəndaşları bizim dərdimizi, problemimizi, risklərimizi anlamalıdırlar. Rəhbərliyinizdən minalanmış ərazilərin bütün xəritələrinin Azərbaycana verilməsini tələb edin. Sonra erməni hərbçilər evlərinə dönəcəklər. Təkrar edirəm: Çıxış girişin olduğu yerdədir.