Türkiyə Prezidenti: "Azərbaycan Üçtərəfli Bəyanatın bəndlərinə tam əməl edir"
Türkiyə Prezidenti Rəcəb Tayyip Ərdoğan Azərbaycanın Üçtərəfli Birgə Bəyanatın bəndlərinə tam əməl etdiyini deyib.
AYNA-nın xəbərinə görə, Türkiyə Prezidenti jurnalistlərə açıqlamasında Azərbaycan tərəfindən heç bir pozuntunun olmadığını qeyd edib.
“Burada Azərbaycana hücum olduğu üçün müdafiə reaksiyası da oldu. Əsas odur ki, Üçtərəfli Bəyanatın bəndlərinə uyğun olaraq, erməni silahlı dəstələrinin Azərbaycanın beynəlxalq səviyyədə tanınmış ərazilərindən tamamilə çıxarılması təmin edilsin”, - deyə o bildirib.