İnsidentdə yaralanan şəxslərin sayı barədə məlumat verilmir
Ekvadorun Quayas əyalətindəki həbsxanada baş verən qarşıdurmada azı altı məhbus həlak olub.
AYNA TASS-a istinadən xəbər verir ki, bu barədə məhbuslarla bağlı xidmət “X” sosial şəbəkəsində məlumat yayıb.
"Quayasdakı 1 saylı kişilər üçün təcridxanada insident baş verib, 6 nəfər həlak olub", - məlumatda bildirilir.
Yaralıların sayı barədə məlumat verilmir.
Penitensiar müəssisənin rəhbərliyi hadisənin səbəbini araşdırır.