Koronavirus təhlükəsi bütün dünyanı təşvişə salıb
Özbəkistan fevralın 1-dən etibarən Çinə uçuşları dayandırıb. AYNA “Qafqazinfo”ya istinadən xəbər verir ki, buna səbəb ölkədə yayılan koronavirusdur. Qeyd edilir ki, bununla bağlı hökumətin xüsusi komissiyasının qərarı var.
Bildirilib ki, sözügedən komissiya yanvarın 29-u Özbəkistan Prezidenti Şavkat Mirziyoyev tərəfindən yaradılıb. Komissiya üzvlərinə ölkədaxili və xarici situasiyanın öyrənilməsi, virusla bağlı vəziyyətə qiymət verilməsi tapşırılıb.