Cüdoçularımız Avropa Kubokunda 3 medal qazanıblar

İdman

28.05.2023 - 03:12

7 cüdoçumuz medallar uğrunda mübarizə aparıb

Azərbaycan cüdoçuları Portuqaliyanın Koimbra şəhərində keçirilən yeniyetmələr arasında Avropa Kuboku turnirində 3 medal qazanıblar. AYNA xəbər verir ki, bu barədə Azərbaycan Cüdo Federasiyasından bildirilib.

Qeyd edilib ki, yeniyetmələr arasında Avropa Kuboku turnirinin ilk günü oğlanların yarışında -50 kq., -55 kq. və -60 kq. çəki dərəcələrində 7 cüdoçumuz medallar uğrunda mübarizə aparıb.

-50 kq. çəkidə final görüşündə iki cüdoçumuz Bahadır Feyzullayev və Nihad Məmişov qarşılaşıb. Nəticədə Bahadır Feyzullayev qızıl medal əldə edib.

-55 kq. çəkidə Həsən Həsənli bürünc medal qazanıb. Eyni çəkidə digər cüdoçumuz Murad Fətullayev yarışı 5-ci yerdə tamamlayıb.

Müəllif: Ayna.az