Xilasedicilər yaşlı bir qadını dağıntı altından sağ çıxarıblar
Çinin Hubey vilayətində mövsümi yağışların törətdiyi torpaq sürüşmələri nəticəsində 8 nəfər itkin düşüb. AYNA xarici mediaya istinadən bildirir ki, bu gün səhər saatlarında baş verən sürüşmə nəticəsində 9 nəfər dağıntı altında qalıb.
Xilasedicilər yaşlı bir qadını dağıntı altından sağ çıxarıblar. Dağıtnı altında qalan 2 nəfərin isə yeri müəyyənləşib. Axtarış-xilasetmə işləri davam edir.
Qeyd edək ki, iyulun 8-də Hubey vilayətində mövsüm yağışları ilə əlaqədar fövqəladə hazırlıq vəziyyətinin dərəcəsi 4-dən 3-ə yüksəldilib. Güclü yağışlar sel, daşqın, torpaq sürüşməsi, palçıq axını kimi fəsadlar törədib.