İnkişaf planları hazırlanan məktəblərin kollektivləri ilə görüşlər keçirilib
Bakı Şəhəri üzrə Təhsil İdarəsinin (BŞTİ) Təlimə Dəstək Mərkəzi tərəfindən 2021-2022-ci tədris ilində 20 məktəbin inkişaf planı hazırlanıb. Bu barədə AYNA-ya BŞTİ-dən məlumat verilib.
Bildirilib ki, inkişaf planları hazırlanan məktəblərin kollektivləri ilə görüşlər keçirilib. Görüşlərdə Təlimə Dəstək Mərkəzinin metodistləri məktəblərdəki real vəziyyətlə tanış olmaq üçün dərs müşahidələri aparıb, təlim-tərbiyə prosesinin inkişafına yaxından dəstək göstərmək məqsədilə məktəb kollektivi ilə müzakirələr təşkil ediblər.
Qeyd edək ki, inkişaf planlarının hazırlanması növbəti mərhələlərdə digər məktəblərdə də davam etdiriləcək.