Bu ölkə yoluxma və ölüm saylarına görə ikinci yerdədir
Braziliyada koronavirusa yoluxma ilə bağlı təsdiq edilmiş halların sayı bir gün ərzində 55 min 155 nəfər olub.
AYNA-nın xarici mətbuata istinadən verdiyi xəbərə görə, bu barədə ölkənin Səhiyyə Nazirliyi bildirib.
Nazirliyin məlumatına görə, son sutkada ölkədə daha 1 175 nəfər ölüb. Bununla ümumi ölüm sayı 104 min 201 nəfərə yüksəlib. Braziliyada infeksiyanın yayılmasının bütün vaxtı ərzində koronavirusa 3 164 785 yoluxma aşkar edilib.
Qeyd edək ki, Braziliya həm koronavirusa yoluxma hallarına, həm də COVID-19 qurbanlarının sayına görə dünyada ikinci yerdədir.