Təmir işləri qeyri-iş günləri yerinə yetirilib
Bakı şəhəri, Yasamal rayonu, Əbdürrəhim bəy Haqverdiyev küçəsi və Binəqədi rayonu, Cəfər Xəndan küçəsinin bir hissəsində təmir işləri icra olunub.
Azərbaycan Avtomobil Yolları Dövlət Agentliyinin (AAYDA) İctimaiyyətlə əlaqələr şöbəsindən AYNA-ya bildirilib ki, təmir işləri zamanı deformasiyaya uğramış yol örtüyünün üst qatı qaşınaraq kənarlaşdırılıb, əvəzinə yeni asfalt-beton örtüyü döşənib.
Əbdürrəhim bəy Haqverdiyev küçəsinin 1800 kvadratmetr sahəsində, Cəfər Xəndan küçəsinin isə 600 kvadratmetr sahəsində təmir işləri aparılıb.
Təmir işləri hərəkət intensivliyi nəzərə alınaraq qeyri-iş günləri yerinə yetirilib.