Ümumilikdə isə dünya birjalarında isə neftin qiyməti ucuzlaşmaqdadır
Dünya birjalarında neft qiymətləri ucuzlaşmaqda davam edir. AYNA xəbər verir ki, Londonun ICE (“InterContinental Exchange Futures”) birjasında “Brent” markalı neftin bir barrelinin qiyməti 0,17 dollar geriləyərək 41,60 dollar, Nyu-Yorkun NYMEX (“New York Mercantile Exchange”) birjasında “Light” markalı neftin bir barrelinin qiyməti isə 0,24 dollar ucuzlaşaraq 39,69 dollar olub.
Azərbaycan neftinin qiyməti isə bahalaşır. Belə ki, “Azeri Light” markalı neftin bir barrelinin qiyməti 0,34 dollar artaraq 42,46 dollar təşkil edib.
Qeyd edək ki, Azərbaycan neftinin bir barrelinin qiyməti bu il aprelin 21-də minimuma enərək 15,81 dollar, 2008-ci ilin iyulunda isə maksimuma yüksələrək 149,66 dollar olub.