Koronavirusdan ölənlərin sayı artmaqda davam edir
ABŞ-da son bir gün ərzində 3,3 mindən çox insan koronavirusun qurbanı olub.
AYNA-nın məlumatına görə, bu barədə yerli və federal orqanların statistikası əsasında hesablamalara istinadən Con Hopkins Universiteti bildirib.
Universitetin məlumatına görə, son gün ərzində ölüm hallarının sayı 3 332 təşkil edib. Bir gün əvvəl bu rəqəm 2 139 olub. ABŞ-da ümumilikdə 51 017 nəfər koronavirusun qurbanı olub.
Birləşmiş Ştatlarda koronavirusa yoluxma hallarının ümumi sayı 890 524 təşkil edir. Son gün ərzində daha 28 819 yeni yoluxma aşkarlanıb.
ABŞ COVID-19 infeksiyasına yoluxma və ölüm hallarının sayına görə dünya ölkələri arasında liderdir.