Gürcüstan Prezidenti: “Yeni seçkilərin tarixi dekabrın 29-dək razılaşdırılmalıdır”
Gürcüstan Prezidenti Salome Zurabişvili yeni seçkilərin tarixini müzakirə etmək üçün hakim “Gürcü Arzusu – Demokratik Gürcüstan” Partiyasının qurucusu və fəxri sədri milyarder Bidzina İvanişvilini Orbeliani sarayına dəvət edib. Bu barədə AYNA gürcü mediasına istinadən bildirir.
Zurabişvili deyib ki, “yeni seçkilərin tarixi dekabrın 29-dək razılaşdırılmalıdır”.
“Qoy İvanişvili Orbeliani sarayına gəlsin. Çünki o, hər şeyə cavabdehdir və mən onunla oturub seçkilərin necə keçirilməsi barədə danışmağa hazıram. Amma seçkilərin tarixi 29-na kimi razılaşdırılmalıdır. 29-na qədər bu ölkəni irəli aparmaq, bütün dünyaya demokratiya, barışıq, tərəqqi nümunəsi göstərmək üçün hamımızın böyük şansımız var. Biz cavab gözləyirik”, Zurabişvili deyib.