Ukrayna Prezidenti sammitdən sonra Sandrinqham malikanəsinə gedib
Ukrayna Prezidenti Volodimir Zelenski dünən Norfolkda yerləşən Sandrinqham malikanəsində Böyük Britaniya Kralı III Çarlz ilə görüşüb.
AYNA.AZ “Sky News”a istinadla xəbər verir ki, Zelenski Londondakı “Lancaster House”da Ukrayna ilə bağlı keçirilən sammitdən sonra helikopterlə Sandrinqham malikanəsinə uçub.
Ukrayna liderini Kral III Çarlz şəxsən qarşılayıb. Tərəflər qısa söhbət edib və media üçün birgə foto çəkdirib. Daha sonra görüşmək üçün iqamətgaha daxil olublar.