Antonio Quterreş jurnalistlərin "Taliban"la bağlı suallarını cavablandırıb
“Liderliyi dəqiqləşəcəyi halda Talibanla danışmağa hazıram”.
AYNA xəbər verir ki, bunu BMT-nin Baş katibi Antonio Quterreş jurnalistlərə açıqlamasında deyib.
“Nə məqsədlə olur-olsun, dəqiqləşəcəyi halda, Talibanla danışmağa hazıram”.
O, ABŞ-ın çəkilməsindən sonra BMT-nin Həmid Qərzai Beynəlxalq Hava Limanını işlədib-işlətməyəcəyi ilə bağlı sualı da cavablandırıb:
“Aeroport işlətmə potensialımız olduğunu düşünmürəm. Hava limanında olmağımızın faydalı olacağı düşünülsə, açığı, bütün tərəflərlə əməkdaşlıq edə bilərik. İndiki şərtlər altında BMT-nin hava limanı işlətməsi real deyil”.
Quterreş Əfqanıstanda etnik qrupların da təmsil olunduğu əhatəli bir hökumət qurulması və xüsusən qadınların insan hüquqlarına hörmət edilməsi ilə bağlı da çağırış edib.