Mərasimdə Türkiyə Prezidenti Rəcəb Tayyib Ərdoğan iştirak edib
İstanbulun Taksim meydanında inşa olunmuş məscid kompleksinin açılışı olub. AYNA-nın APA-ya istinadən xəbərinə görə, açılış mərasimində Türkiyə Prezidenti Rəcəb Tayyib Ərdoğan iştirak edib.
Türkiyə Prezidenti çıxışında bildirib ki, Taksim məscid kompleksi 29 may İstanbulun fəthinin 568-ci ildönümünə hədiyyədir.
“Türk millətinin qardaşlığını, birliyini pozmaq istəyənlər məscidlərimizi hədəfə alsalar da buna nail olmayacaqlar”, - deyə o bildirib.
Qeyd edək ki, 2017-ci ildən inşasına başlanan İstanbuldakı Taksim meydanı məscid kompleksi Art deco üslubunda dizayn edilib, üç mərtəbəli məscidin açıq və qapalı sahələrində 4 min nəfərə qədər şəxs ibadət edə bilər.