Uşağa reanimatoloji müdaxilə göstərilsə də, onun həyatını xilas etmək mümkün olmayıb
Bakı şəhərinin Sabunçu rayonunun Nardaran qəsəbəsində yerləşən “Sea Breeze” istirahət mərkəzində faciə baş verib.
Fövqəladə Hallar Nazirliyinin (FHN) “112” qaynar telefon xəttinə hovuzda uşağın ayağının su nasosunda sıxılı vəziyyətdə qalması barədə məlumat daxil olub.
FHN-dən AYNA.AZ-a bildirilib ki, hadisə ilə əlaqədar əraziyə Xüsusi Riskli Xilasetmə və Dövlət Yanğından Mühafizə xidmətlərinin qüvvələri cəlb edilib.
Xilasedicilər və təcili tibbi yardım briqadası hadisə yerində operativ tədbirlər həyata keçirib. FHN-in məlumatına görə, uşağa reanimatoloji müdaxilə göstərilsə də, onun həyatını xilas etmək mümkün olmayıb.
Məlumata əsasən, 2022-ci il təvəllüdlü Abdullayev Akif Cavid oğlu hadisə nəticəsində vəfat edib.
Hadisənin digər təfərrüatları barədə məlumat verilməyib.