Rusiyada qanuni əsas olmadan olan Ukrayna vətəndaşları sentyabrın 10-dək ölkəni tərk etməlidir
Rusiyada qanunsuz yaşayan Ukrayna vətəndaşlarına Rusiya Federasiyası ərazisini tərk etmək üçün sentyabrın 10-dək vaxt verilib.
AYNA.AZ APA-ya istinadən xəbər verir ki, bu barədə Rusiya prezidenti Vladimir Putin bu gün fərman imzalayıb.
Prezident fərmanına əsasən, Rusiyada qanuni əsas olmadan olan Ukrayna vətəndaşları sentyabrın 10-dək ölkəni tərk etməli və ya hüquqi statuslarını qaydaya salmalıdırlar
Eyni zamanda Putinin fərmanına əsasən, Donbass, Xerson və Zaporojyedə (Ukraynanın Donetsk, Luqansk, Xerson və Zaporojye vilayətləri-red) əcnəbilərdən iyunun 10-dək HİV-ə yoluxmadıqlarını və narkotikdən istifadə etmədiklərini təsdiq etmələri tələb olunur.