“Ümidimizi maska, sosial məsafə və gigyenik qaydalara bağlamalıyq”
“Azərbaycanda koronavirusla mübarizə sahəsində çox ciddi işlər görülür. Bütün səhiyyə sistemi dünyada mövcud olan vaksinlərin hansının keyfiyyətli olub, olmaması ilə bağlı ciddi araşdırmalar aparır”. AYNA xəbər verir ki, bu sözləri Nazirlər Kabineti yanında Operativ Qərargahın brifinqində professor Adil Allahverdiyev deyib.
Allahverdiyev qeyd edib ki, əlimizdə vaksin və spesfik dərman preparatı yoxdur: “Koronavirusla mübarizəyə qarşı əlimizdə cəmi üç effektiv element var: maska, sosial məsafə, gigyenik qaydalara əməl etmək. Biz bu elementləri qızıl standart kimi qəbul etməli, ümidimizi bunlara bağlamalıyq”.