Alman nazir Ukrayna rəhbərliyi ilə yeni hərbi yardımın verilməsini müzakirə etmək niyyətindədir
Almaniyanın müdafiə naziri Boris Pistorius Kiyevə elan olunmamış səfər edib. AYNA.AZ DPA agentliyinə istinadən bildirir ki, nazir yerlərdə vəziyyətlə tanış olmaq və Ukrayna rəhbərliyi ilə yeni hərbi yardımın verilməsini müzakirə etmək niyyətindədir.
"Biz Ukraynanı dəstəkləmək üçün hər şeyi edirik ki, o özünü müdafiə edə bilsin və Rusiyanın ciddi danışıqlara hazır olacağı mövqedə olsun", - Pistorius bildirib.
“Əlbəttə, biz Almaniya və digər avropalıların gələcəkdə dəstəyinin necə olacağı, məsələn, sənaye əməkdaşlığı sahəsində, eləcə də digər yardımlarla bağlı nə edə biləcəyimiz barədə danışacağıq”, - əlavə edib.